Полициски службеници од Регионалниот центар за гранично управување Север во соработка со РСБСП на граничниот премин Табановце спроведоа превентивна активност во рамки на кампањите „Не користи мобилен телефон додека возиш“ и „Стави појас“.
На возачите преку директна комуникација им беше укажувано на големиот ризик и последиците кои можат да настанат доколку се користи мобилен телефон додека се управува моторно возило, како и за обврската и потребата за користење на појас при патување, која важи и за возачите и совозачите, а беше укажано и за казнените одредби за овие прекршоци Од страна на полициските службеници беше поделен и едукативен печатен материјал, обезбеден во соработка со Републичкиот совет за безбедност на сообраќајот на патиштата и Факултетот за безбедност Скопје.