Отсекот за превенција при СВР Куманово денеска (02.05.) во Куманово одржа едукативна трибина со ученици од осум основни и 12 средни училишта, полуматуранти и матуранти, од подрачјето на Куманово, а по повод претстојните полуматурски и матурски прослави.
Притоа, полициските службеници на учениците им ги предочија не само законските туку и другите штетни последици од прекршувањата на Законот за јавен ред и мир, Законот за безбедност на патниот сообраќај, како и последиците од разните социо-девијатни поведенија (конзумирање алкохол и слично), а се во интерес на нивната безбедност и мирното прославување на матурските вечери.