Денеска (25.04.) полициски службеници од СВР Битола во соработка со Општинската организација на Црвениот Крст од Битола, со Територијалната противпожарна единица Битола, како и со екипа на Итна медицинска помош Битола во средното училиште „Јосип Броз Тито“ во Битола, за учениците од ова училиште спроведоа симулациска вежба на тема: „Начин на однесување во кризни ситуации“.
Вежбата беше спроведена со цел учениците да се запознаат со начините и протоколите на однесување во кризни ситуации, потоа за начините на евакуација од пожар, совладување на паниката и безбедно и организирано евакуирање од училиштето во претпоставена ситуација.