Одделението за превенција при СВР Скопје денеска (17.04) на територијата на ПСОН Чаир реализираше превентивна активност од областа на безбедноста на сообраќајот.
Притоа, под мотото „Не конзумирај алкохол додека возиш“ и „Користи појас додека возиш и биди одговорен возач“, полициските службеници им укажуваа на возачите за опасностите и последиците од непочитувањето на сообраќајните правила и прописи. Дополнително, а во насока и на зајакнување на довербата и соработката помеѓу полицијата и граѓаните, полициските службеници на возачите им делеа и едукативни летоци со информативни содржини изработени во соработка со РСБСП.