На 17.07.2009 година, во периодот од 16,00 до 19,00 часот, од страна на вработени во Секторот за внатрешна контрола и професионални стандарди е извршена контрола на наплатните станици „Романовци" и „Глумово", со цел откривање на злоупотреба на службени легитимации и поминување на наплатни станици на вработени во МВР со приватни возила, без при тоа да бидат подмирени трошоците согласно Законот за јавни патишта.

За време на контролата без да платат патарина поминаа 41 возило. Меѓу возачите прекршители не беа евидентирани вработени лица во МВР кои ја злоупотребуваат службената легитимација за одбегнување на плаќање на надомест за патарина, ниту пак се откриени други лица  вработени во државни или јавни институции во Републикава. Сите  возачи кои не платија патарина се граѓани, кои искористиле згодна прилика за поминување на отворена рампа на наплатните станици или користеле разни видови картички за поминување без да платат патарина.

На сите возачи кои ги поминаа наплатните станици, без да платат патарина, им беше издаден налог за наплата на глоба за сторени прекршоци по член 58, 79 и 80  од  Законот за јавни патишта.