Во текот на изминатата недела по спроведена дисциплинска постапка, донесени се осум решенија против осумина вработени во Министерството поради сторени повреди во работењето согласно одредбите по член 134 став 1 точка 7 и 8 од Колективниот договор на МВР.

На И.Х., полициски службеник во полициска станица при РЦ за ГР „Север“ му е изречен отказ на договорот за вработување, заради сторени повреди согласно одредбите по член 134 став 1 точка 7 од Колективниот договор на МВР.

- На шестмина вработени изречена им е парична казна заради пречекорување на службените овластувања согласно одредбите по член 134 став 1 точка 7 и 8, а се работи за :

- Ш.К., В.М., двајцата полициски службеници во полициска станица при РЦ за ГР „Север“ и И.Л., полициски службеник во полициска станица при СВР Велес, изречени им се  парични казни во износ од 15% од месечните плати во наредните шест месеци (ја поминале наплатната рампа без да платат патарина, односно покажале службени легитимации);

- Т.Б., командир на полициска станица при СВР Струмица, изречена му е парична казна во износ од 10% од месечната плата во наредните два месеци (не почитувал наредба издадена од претпоставен старешина);

- Ф.Н., полициски службеник во полициска станица при СВР Струмица, изречена му е парична казна во износ од 10% од месечната плата во наредните три месеци (одбил да му биде извршена контрола во работењето од страна на Секторот за внатрешна контрола и професионални стандарди) и

- Ј.Т., полициски службеник во полициска станица при РЦ за ГР „Север“, изречена му е парична казна во износ од 15% од месечната плата во наредните четири месеци (извршил физички напад).