Во текот на изминатата недела по спроведена дисциплинска постапка, донесени се шест решенија против шестмина вработени во Министерството поради сторени повреди во работењето согласно одредбите по член 134 став 1 точка 1, 7 и 8 од Колективниот договор на МВР.

- На двајца вработени изречен им е отказ на договорот за вработување, заради сторени повреди согласно одредбите по член 134 став 1 точка 1 и 8 од Колективниот договор на МВР, а се работи за :

Б.М., полициски службеник во полициска станица при РЦ за ГР „Север“, изречено му е отказно решение (примил поткуп од странски државјанин за што против истиот е поднесена и кривична пријава) и

З.П., полициски службеник во ЕНОО при Одделот за посебни единици, изречено му е отказно решение (неоправдано изостанал од работа три последователни дена).

- На четворица вработени изречена им е парична казна заради пречекорување на службените овластувања согласно одредбите по член 134 став 1 точка 7 и 8, а се работи за :

М.Ш., Ш.С. и И.Н., полициски службеници во полициска станица при РЦ за ГР „Север“ и А.Ф., раководител на смена во полициска станица при РЦ за ГР „Север“, изречена им се парични казни во износ од 15% од месечните плати во наредните шест месеци (ја поминале наплатната рампа со службена легитимација).