- Донесени решенија по дисциплински постапки против вработени во МВР по разни основи

Во текот на изминатата недела по спроведена дисциплинска постапка, донесени се шест решенија против шестмина вработени во Министерството поради сторени повреди во работењето согласно одредбите по член 133 став 1 точка 7 и по член 134 став 1 точка 7 и 8 од Колективниот договор на МВР, на кои им е изречена парична казна заради пречекорување на службените овластувања согласно наведените одредби, а се работи за :

Б.Б., полициски службеник во полициска станица за безбедност на патниот сообраќај на автопат Тетово, изречена му е парична казна во износ од 15% од месечната плата во наредните шест месеци (испукал неколку куршуми од службениот пиштол, за што против истиот е поднесена кривична пријава за сторено кривично дело „предизвикување општа опасност“);

Н.О., полициски службеник во полициска станица при РЦ за ГР „Север“, изречена му е парична казна во износ од 15% од месечната плата во наредните четири месеци (не извршил контрола на лице за кое имало наредба да се лиши од слобода, со што истото остварило излез од земјата);

И.С., полициски службеник во полициска станица при РЦ за ГР “Север“, изречена му е парична казна во износ од 15% од месечната плата во наредните два месеци (не го известил писмено претпоставениот старешина дека ќе користи боледување);

М.Н. и С.Н., полициски службеници во полициска станица при РЦ за ГР „Север“, изречени им се парични казни во износ од 15% од месечните плати во наредните шест месеци (ја поминале наплатната рампа со службена легитимација) и

И.С., полициски службеник во полициска станица при РЦ за ГР „Север“, изречена му е парична казна во износ од 15% од месечната плата во наредните пет месеци (од опремата со која бил задолжен му недостасувал службениот пиштол).