По претходно изготвен оперативен план на 10.04 во периодот од 15 до 20 часот Секторот за внатрешна контрола и професионални стандарди изврши контрола на наплатните станици “Глумово“, “Петровец“ и “Романовце“ со цел откривање на злоупотреба на службени легитимации и минување на патарините на вработени во МВР со приватни возила, без притоа да биде платена патарината.

Во рамките на контролата на трите наплатни пункта евидентирани се 28 возила, односно возачи кои ги минале патарините без да платат патарина. Сите 28 возачи се граѓани кои искористиле згодна прилика за поминување на отворена рампа или користеле разни видови картички за минување без да платат задолжителна патарина. На евидентираните возачи им беа идадени налози за наплата на глоба за сторени прекршоци од Законот за јавни патишта.