Во текот на изминатата недела по спроведена дисциплинска постапка, донесени се 11 решенија против 11 вработени во Министерството поради сторени повреди во работењето согласно одредбите по член 133 став 1 точка 7 и по член 134 став 1 точка 4, 7 и 8 од Колективниот договор на МВР.

- На единаесет вработени изречена им е парична казна заради пречекорување на службените овластувања согласно одредбите по член 133 став 1 точка 7 и по член 134 став 1 точка 4, 7 и 8, а се работи за :

А.К. и Б.А., техничари во хеликоптерска единица, Г.Ќ., полициски службеник при СВР Тетово и Г.Ј., полициски службеник при Одделот за посебни единици, изречени им се парични казни во износ од 15% од месечната плата во наредните шест месеци (ја поминале наплатната рампа со службена легитимација);

В.Н., полициски службеник при СВР Штип и Д.А., полициски службеник при Одделот за посебни единици, изречени им се парични казни во износ од 10 односно 15% од месечните плати во наредните три, односно шест месеци (го напуштиле работното месо и биле под дејство на алкохол);

И.З., инспектор во одделение при РЦ за ГР „Север“, изречена му е парична казна во износ од 15% од месечната плата во наредните три месеци (го оставил службениот пиштол во сопственото возило при што истиот е одземен од страна на непознато лице);

К.Б. и К.С., полициски службеници во полициска станица при РЦ за ГР „Запад“, изречени им се парични казни од 15% од месечните плати во наредните шест, односно четири месеци (дозволиле на две лица што имаат судска забрана да остварат излез од Р Македонија);

З.А., помлад инспектор во полициска станица при СВР Скопје, изречена му е парична казна во износ од 10% од месечната плата во наредните четири месеци (од лице одзел предмети без за истото да му издаде потврда за привремено одземени предмети) и

В.Ј., полициски службеник во полициска станица при СВР Струмица, изречена му е парична казна во износ од 10% од месечната плата во наредните два месеци (не завел настан во книгата за дневни настани).