Намалување за 16 проценти на полициската тортура врз граѓаните, бележи проектот на невладини организации. Најмногу граѓаните се жалеле на прекумерна употреба на сила и нанесување на телесни повреди.

Според истражувањето на невладиниот сектор на тортура од страна на полицијата најмногу се жалеле граѓаните од југозападна Македонија.

Според невладиниот сектор загрижувачка е тенденцијата на спектакуларни апсења, со кои се повредува правото на приватност и пресумпција на невиност.
Граѓаните најмногу се жалеле на униформираните полициски службеници, на инспекторите, а најмалку на неуниформираните припадници на полицијата. Намалување на бројот на поплаки бележат за командирите на полициските станици, сообраќајната полиција и за мобилната единица Алфи.

- Во 76% од одговорите кои ги доставил Секторот за внатрешна контрола е констатирано дека претставките се неосновани и оти недостасува правна поука, како и можност за второстепено постапување по поднесената претставка.
Минатата година се зголемила и соработката на граѓанскиот сектор со Народниот правобранител. Според извештајот, во Македонија и покрај намалениот процент на пријави од граѓаните, сепак е оценето дека постои недоверба кон државните институции.