Во текот на изминатите две недели по спроведена дисциплинска постапка, донесени се 13 решенија против 13 вработени во Министерството поради сторени повреди во работењето согласно одредбите по член 133 став 1 точка 5 и по член 134 став 1 точка 1, 7, 8 и 14 од Колективниот договор на МВР.

- На тројца вработени изречен им е отказ на договорот за вработување, заради злоупотреба или пречекорување на службените овластувања согласно одредбите по член 134 став 1 точка 1 и 14, а се работи за :

С.Е. и Д.Ј., полициски службеници-приправници во Бирото за јавна безбедност изречени им се отказни решенија- неоправдано изостанале од работа три последователни работни дена и

М.Н., полициски службеник во полициска станица при РЦ за ГР „Север“ изречено му е отказно решение (заради извршено кривично дело „грабнување“).

- На десетмина вработени изречена им е парична казна заради пречекорување на службените овластувања согласно одредбите по член 133 став 1 точка 5 и член 134 став 1 точка 7 и 8, а се работи за :

М.М., полициски службеник во Одделот за крим-техника, изречена му е парична казна во износ 15% од месечната плата во наредните три месеци (не побарал отсуство и не го известил писмено раководителот на организационата единица дека ќе користи боледување);

Џ.Д., полициски службеник во полициска станица при СВР Скопје, изречена му е парична казна во износ од 10% од месечната плата во наредните четири месеци (се оддалечил од работното место без согласност од претпоставениот старешина);

Д.С., раководител на безбедносен реон во полициска станица при СВР Тетово, изречена му е парична казна во износ од 15% од месечната плата во наредните шест месеци (ја поминал наплатната рампа со службена легитимација);

Г.Д., оперативен работник во Одделот за обезбедување, Т.П., дежурен полициски службеник во ДОЦ на РЦ за ГР „Север“ и Д.А., полициски службеник во полициска станица при РЦ за ГР „Север“ изречени им се парични казни во износ од 15% од месечната плата во наредните шест месеци (без налог од командирот излегле на терен со службени возила);

Љ.С., дежурен полициски службеник во полициска станица при СВР Скопје, изречена му е парична казна во износ од 10% од месечната плата во наредните четири месеци (упатил навредливи зборови кон колега) и С.К., раководител на смена во полициско одделение на граничен премин при РЦ за ГР „Запад“, изречена и е парична казна во износ од 15% од месечната плата во наредните четири месеци (не внела точни податоци во компјутерскиот систем и пропуштила лица да остварат влез во Р Македонија, на кои претходно им е изречена забрана за влез во државата).

М.М., водич на безбедносен реон во ПС за БПС на автопат Петровец, изречена и е парична казна во износ од 15% од месечната плата во наредните два месеци (телефонски упатувала закани на женско лице) и И.Ф., раководител на смена при РЦ за ГР „Запад“, изречена му е парична казна во износ од 10% од месечната плата во наредните три месеци (одбил разговор со претставници од Секторот за внатрешна контрола и професионални стандарди, при спроведување на контрола).