Вчера, 15.02.2009 година, согласно наредба од 12.02.2009 година издадена од Министерот за внатрешни работи, по претходно изготвен оперативен план, од страна на вработени во Секторот за внатрешна контрола и професионални стандарди извршена е контрола на ПМЕПБПК - „Алфи“ во СВР Скопје во трите смени. Контролата се однесуваше на утврдување алкохолизираност на полициските службеници за време на работа, контрола за почитување на работното време и контрола на приватните возила на вработените со цел утврдување на важност на рокот на регистрација.

Во акцијата партиципираа началниците на Одделенија во Секторот за внатрешна контрола и професионални стандарди, а во реализација на акцијата беа вклучени и виши советници од Секторот за внатрешна контрола и професионални стандарди и  полициски службеници од ПС за БПС Скопје.

Извршено е алкотестирање на 128 полициски службеници при што кај ниту еден не е утврдено присуство на алкохол во крвта.

 Од извршената контрола на 10 возила во сопственост на вработени во ПМЕПБПК - „Алфи“ не беа откриени возила со изминат рок на важност на сообраќајната дозвола. Работното време беше почитувано, согласно дневниот распоред за работа.