Во текот на изминатата недела по спроведена дисциплинска постапка, донесени се седум решенија против седум вработени во Министерството поради сторени повреди во работењето согласно одредбите по член 133 став 1 точка 7 и по член 134 став 1 точка  7 и 12  од Колективниот договор на МВР за што им е изречена парична казна а се работи за :

-          З.Ј., полициски службеник во полициска станица при СВР Куманово, изречена му е парична казна во износ од 15% од месечната плата во наредните три месеци (со службено возило предизвикал сообраќајна незгода  додека бил на службена должност);

-          Р.Д., А.Ј. и С.Х., полициски службеници во полициска станица при СВР Струмица изречена им е парична казна во износ од 15% од месечната плата во наредните три месеци (не евидентирале настани во книгата за дневни настани и не изготвиле службени материјали за истите);

-          Д.М., полициски службеник во полициска станица при СВР Скопје, изречена му е парична казна во износ од 15% од месечната плата во наредните пет месеци (на еден од граничните премини ја попречил работата на царинските работници и им упатил навредливи зборови);

-          Г.С., полициски службеник во полициска станица при РЦ за ГР „Север“, изречена му е парична казна во износ од 15% од месечната плата во наредните три месеци (за време на извршување на работните задачи носел приватен вклучен мобилен телефон) и

-          Р.Т., полициски службеник во полициска станица при СВР Скопје изречена му е парична казна во износ 15% од месечната плата во наредните четири месеци (не изготвил службен материјал и не поднел поднесок до Јавниот обвинител).