Content on this page requires a newer version of Adobe Flash Player.

Get Adobe Flash player

 

27.04.2014
Приведен осомниченот за вчерашното убиство во скопско Арачиново

Вчера (26.04.), околу 16,00 часот, во село Арачиново извршено е убиство во кое е лишено од живот  лицето Ељон  Ј.(17) од Скопје. Имено, кривичноправниот настан е пријавен околу 16,20 часот во Центарот за информирање и команда, од сопственикот на маркетот „Империјал“ кој пријавил дека во близина на истиот со употреба на огнено оружје е погодено непознато машко лице, кое со приватно возило е однесено во амбуланта “Муамет“ во Сингелиќ коешто подоцна им подлегнало на повредите.

Веднаш по пријавувањето, местото на настанот е обезбедено од страна на полициски службеници на ПС ОН Гази Баба и ЕПОИ АЛФА, а увид е извршен од ЕУМНА во присуство на надлежен Јавен обвинител. Во МВР беа повикани повеќе лица, очевидци со кои е извршен разговор во врска со случајот.

Според првични сознанија извршител на убиството е лицето Р.Ј.(19) кој е во роднинска врска со починатиот. До убиството дошло по претходна телефонска расправија, по којашто починатиот дошол пред куќата на осомничениот, каде продолжиле вербално да се навредуваат и си размениле по неколку удари со боксови по телото, а потоа Р.Ј. извадил пиштол и со два истрела го усмртил Ељон Ј., а потоа се дал во бегство.

Од првичниот преглед на телото на починатиот констатирано е дека има две прострелни рани во градите нанесени од пиштол, а на лице место се пронајдени две чаури и еден стап (рачка од земјоделска алатка) кои се предадени за понатамошна  обработка. По преземени мерки, денеска осомничениот е приведен во ПС Кисела Вода, обезбеден е и пиштолот со кој постои сомнение дека е извршено убиството при што истиот е даден на вештачење.  По целосно документирање на случајот ќе биде поднесена кривична пријава.

Назад

 
Секој упад и злоупотреба на веб страницата на МВР е казнив по член 251 од КЗ на Република Македонија
Министерство за внатрешни работи на Република Македонија, ул.Димче Мирчев бб, 1000 Скопје, Македонија.
тел: +389 (0)2 3 117 222 факс: (02)3112468 е-пошта: kontakt@mvr.gov.mk