Покарактеристични кривични дела од општ криминал

КРИВИЧНИ ДЕЛА ПРОТИВ ЖИВОТОТ И ТЕЛОТО

Убиството како најтежок облик на кривично дело против животот и телото, се до 2003 година бележи континуиран пораст додека од 2004 година нивниот број постојано се намалува. Покрај намалувањето на бројот на извршените кривични дела значајно е што во овој период бележиме континуирано висока ефикасност на полицијата во реализирањето на овие дела која во 2009 година достигнува дури 92%. Инаку во периодот до 2004 ефикасноста на полицијата се движела од 63% до 78%.

КРИВИЧНИ ДЕЛА ПРОТИВ ИМОТОТ

Јадрото на општиот криминал го сочинуваат кривичните дела против имотот, а меѓу нив најзастапени се тешките кражби, кражбите и разбојништвата. Во периодот од 2001 до 2010 година, освен 2005-тата година, бројот на тешките кражби е во постојан пораст, додека имотните деликти проследени со насилство, односно разбојништвата до 2004 година бележат пораст кој својот максимум го достигнува во 2004 година кога се регистрирани 758 разбојништва. Во 2005 година е прекинат овој негативен тренд со намалување од 12% кое продолжува и во 2006 година, а во наредните години состојбата е променлива и се карактеризира со благо намалување или зголемување на овие дела.